કુંવરબાઈનું મામેરુ યોજના 2026: સંક્ષિપ્ત માહિતી
વિગત
સામાજિક ન્યાય અને અધિકારિતા વિભાગ, ગુજરાત
લાભાર્થી
ગુજરાત રાજ્યની દીકરીઓ
સહાયની રકમ
₹12,000/- (સીધા બેંક ખાતામાં)
અરજી કરવાની રીત
ઓનલાઈન (e-Samaj Kalyan Portal)
સત્તાવાર વેબસાઈટ
http://esamajkalyan.gujarat.gov.in
યોજનાનો લાભ લેવા માટેની લાયકાત (Eligibility)
આ સરકારી યોજનાનો લાભ મેળવવા માટે અરજદારે નીચે મુજબની પાત્રતા ધરાવતા હોવા જોઈએ:
અરજદાર દીકરી ગુજરાત રાજ્યની કાયમી નિવાસી હોવી જોઈએ.
આ યોજનાનો લાભ એક કુટુંબની મહત્તમ બે (2) દીકરીઓ ના લગ્ન સુધી જ મળવાપાત્ર છે.
લગ્ન સમયે દીકરીની ઉંમર 18 વર્ષ કે તેથી વધુ અને વરરાજાની ઉંમર 21 વર્ષ કે તેથી વધુ હોવી ફરજિયાત છે.
આવક મર્યાદા: અરજદારના પરિવારની વાર્ષિક આવક ગ્રામ્ય વિસ્તાર માટે ₹1,20,000 અને શહેરી વિસ્તાર માટે ₹1,50,000 થી વધુ ન હોવી જોઈએ.
લગ્ન થયાના બે (2) વર્ષની અંદર અરજી કરવાની રહેશે, સમયમર્યાદા વીત્યા બાદ અરજી માન્ય ગણાશે નહીં.
અરજી કરવા માટે જરૂરી દસ્તાવેજો (Required Documents)
ફોર્મ ભરતી વખતે નીચે મુજબના ડોક્યુમેન્ટ્સ સ્કેન કરીને અપલોડ કરવાના રહેશે:
કન્યાનું આધાર કાર્ડ અને ચૂંટણી કાર્ડ
પિતા અથવા વાલીનું આધાર કાર્ડ
રેશન કાર્ડની નકલ
કન્યાનો જાતિનો દાખલો
સક્ષમ અધિકારી દ્વારા અપાયેલ આવકનો દાખલો
કન્યા અને વરરાજાની જન્મ તારીખનો પુરાવો (શાળા છોડ્યાનું પ્રમાણપત્ર – LC અથવા જન્મનો દાખલો)
લગ્ન નોંધણી પ્રમાણપત્ર (Marriage Certificate)
કન્યાના નામની બેંક પાસબુકની પ્રથમ પાનાની નકલ અથવા કેન્સલ ચેક
કન્યાનો પાસપોર્ટ સાઈઝનો ફોટો
લગ્નની કંકોત્રી
કુંવરબાઈનું મામેરુ યોજનામાં ઓનલાઈન અરજી કેવી રીતે કરવી? (Step-by-Step Guide)
જો તમે તમામ લાયકાત ધરાવો છો, તો ઘરે બેઠા તમારા મોબાઈલ કે કમ્પ્યુટરથી આ રીતે અરજી કરી શકો છો:
સ્ટેપ 1: સૌપ્રથમ ગુજરાત સરકારના ઈ-સમાજ કલ્યાણ પોર્ટલ સત્તાવાર વેબસાઇટ પર જાઓ.
સ્ટેપ 2: જો તમે પોર્ટલ પર નવા છો, તો પહેલા “New User? Please Register Here” પર ક્લિક કરીને તમારું એકાઉન્ટ બનાવો.
સ્ટેપ 3: રજીસ્ટ્રેશન કર્યા બાદ તમારું User ID અને Password નાખીને પોર્ટલમાં Login કરો.
સ્ટેપ 4: હવે ડેશબોર્ડ પર વિવિધ યોજનાઓ દેખાશે, તેમાંથી “કુંવરબાઈનું મામેરુ યોજના” વિકલ્પ પસંદ કરો.
સ્ટેપ 5: તમારી સ્ક્રીન પર અરજી ફોર્મ ખુલશે, જેમાં માંગેલી તમામ અંગત માહિતી અને બેંકની વિગતો ચોકસાઈપૂર્વક ભરો.
સ્ટેપ 6: ઉપર જણાવ્યા મુજબના તમામ જરૂરી દસ્તાવેજોની સ્કેન કોપી (નિયત સાઈઝમાં) અપલોડ કરો.
સ્ટેપ 7: અંતે વિગતો ચકાસીને ફોર્મ Submit કરો.
અરજી સબમિટ કર્યા પછી તમને એક એપ્લિકેશન નંબર (Application Number) મળશે, તેને સાચવીને રાખો જેથી ભવિષ્યમાં તમે અરજીનું સ્ટેટસ ચેક કરી શકો.
તમારા મિત્રો અને સગા-સંબંધીઓમાં કોઈના ઘરે લગ્નપ્રસંગ હોય તો તેમને આ માહિતી ચોક્કસ શેર કરો જેથી તેઓ પણ આ ₹12,000 ની સરકારી સહાયનો લાભ મેળવી શકે! નવી સરકારી યોજનાઓ અને ભરતીની લેટેસ્ટ અપડેટ્સ માટે અમારી સાથે જોડાયેલા રહો.